COMPETICIÓNS : Xacobeo Blu:sens Obradoiro
O Obradoiro Club de Amigos do Baloncesto naceu en Santiago de Compostela en 1970, cando 29 socios fundadores decidiron darlle un pulo ao baloncesto masculino santiagués. Dende entón tivo unha historia chea de vicisitudes.
Logo de 18 anos de pelexas, o 15 de xuño de 2009 o Obradoiro formalizou a súa inscrición na liga ACB para a tempada 2009/2010. Agora, baixo o nome de Xacobeo Blu:sens, o equipo eríxese na ACB como o equipo de todos os galegos.
O Xacobeo Blu:sens adestra e xoga os seus partidos de competición no Multiusos Fontes do Sar.
O primeiro encontro de liga ACB, que o enfrontou contra o Regal FC Barcelona, congregou no recinto compostelano a 6.000 persoas.
