![](\"http:\/\/www.multiusos.net\/wp-content\/uploads\/2008\/11\/publicoactuacion2.gif\")
\u201cA CARAVANA DOS CATIVOS\u201d, o parque tem\u00e1tico infantil organizado polo Concello de Santiago e o Multiusos Fontes do Sar, encheu o Recinto Feiral de Amio cos personaxes de animaci\u00f3n m\u00e1is actuais (Doraemon, Shin Chan, Keroro…), os cl\u00e1sicos de sempre (Barrio S\u00e9samo, Heidi, as Tartarugas Ninja…) e multitude de actividades e obradoiros para os m\u00e1is cativos. Os m\u00e1is pequenos da casa tiveron \u00e1 s\u00faa disposici\u00f3n durante toda a fin de semana m\u00e1is de 10.000 m\u00b2 de diversi\u00f3n. A iniciativa resultou todo un \u00e9xito, pois nas d\u00faas xornadas que estivo aberta ao p\u00fablico (s\u00e1bado 22 e domingo 23) rexistrou case 15.000 visitas.\nEntre as actividades con maior afluencia estivo o t\u00fanel do vento, onde os rapaces puideron experimentar literalmente a sensaci\u00f3n de voar, e os simuladores de F\u00f3rmula1, que permitiron aos m\u00e1is novos co\u00f1ecer a sensaci\u00f3n de estar ao mando dun potente coche de carreiras. Tam\u00e9n tiveron moi boa acollida as novidosas cuncas e ba\u00f1eiras m\u00f3biles a motor, e o impresionante inchable dos Simpson. Houbo espazo asimesmo para o deporte, con premios para os que amosaran as s\u00faas mellores habilidades encestando na canastra ou metendo gol, e para aqueles que se atrevesen a bailar co aro no espazo de actividades ximn\u00e1sticas. Tam\u00e9n o pasaron ao grande no obradoiro de debuxo (onde os mellores pintores levaron premio), nas cadeiras voadoras, na ludoteca e no resto dos inchables, e tiveron momento de relaxarse coas sesi\u00f3ns de contacontos e cun pouco de lectura.
\nDende unha enorme pantalla de leds proxect\u00e1ronse dous filmes de estrea protagonizados polo gato c\u00f3smico (\u201cDoraemon Animal Planet\u201d) e polo xenial Shin Chan, que gozaron dunha moi boa acollida entre os m\u00e1is novos. Pero sen d\u00fabida unha das actividades estrela que rexistrou un cheo absoluto foi a exhibici\u00f3n de cetrer\u00eda, a cargo da empresa Falc\u00f3n Galicia, que deixou abraiados a pequenos e maiores coas habilidades de diversas aves.
\nNo apartado de animaci\u00f3n, as Tartarugas Ninja, Heidi, Keroro, Doraemon, Barrio S\u00e9samo, Shin Chan puxeron as s\u00faas mellores galas para pasearse polo recinto de Amio para diversi\u00f3n dos cativos. O s\u00e1bado a actuaci\u00f3n que congregou a maior n\u00famero de persoas (unhas 2.500) foi a de Barrio S\u00e9samo, con Epi e Blas \u00e1 cabeza, que fixeron as delicias dos asistentes. O domingo o show do entra\u00f1able Doraemon e o seu inseparable Nobita tam\u00e9n rexistrou un cheo total na zona de butacas (case 2.000 persoas). Amais, Keroro e as Tartarugas Ninja o s\u00e1bado, e Shin Chan e Heidi o domingo, protagonizaron unhas longas sesi\u00f3ns de fotos cos m\u00e1is pequenos.<\/p>\n","protected":false},"excerpt":{"rendered":"