O Multiusos Fontes do Sar acolle o sábado 26 de maio un Seminario de Kick Boxing para o que xa está aberta a inscrición. O curso desenvolverase en horario de mañá e de tarde, de 10 a 13h e de 16 a 19h. A formación estará impartida por Juancho Vázquez, Mestre nacional, 12 veces campión de España de Kick boxing americano e instructor do Multiusos e do C.D. Santa Isabel; e Freddy González, Mestre nacional e tricampeón de España da modalidade oriental.
O prezo do curso é de 25€ para abonados do Multiusos Fontes do Sar e C.D. Santa Isabel; 30€ federados e 35€ non federados. Inclúe o certificado de asistencia, a camiseta e a comida desa xornada. Para inscribirse é preciso cubrir o formulario e realizar o pago correspondente, e entregar ambos documentos de xeito presencial na recepción do Multiusos Fontes do Sar ou mandalos por correo electrónico enviando un e-mail a formacion@multiusos.net.