O vindeiro 13 de xuño, o Multiusos Fontes do Sar converterase no epicentro da tecnorrumba coa chegada de Camela. Tras o éxito rotundo da súa xira de 30 aniversario, o dúo formado por Dionisio Martín e María Ángeles Muñoz volve á carga co seu novo tour “+ de 30”.

Con máis de sete millóns de discos vendidos e un estilo inconfundible que se mantén fresco grazas á súa constante reinvención, Camela promete unha noite de nostalxia e baile cos grandes clásicos que marcaron a varias xeracións.

Como antesala do gran concerto, o público poderá gozar do proxecto máis persoal da artista Xerach. Presentará Canciones Bobas, un álbum autoproducido onde o pop, o techno e os ritmos de tambora se fusionan para crear unha atmosfera única.

• Data: 13 de xuño de 2026

• Horario: 21:00 – 22:30 (Apertura de portas ás 19h)

• Lugar: Multiusos Fontes do Sar, Santiago de Compostela.

• Entradas: Xa dispoñibles en Ataquilla.