A fin de semana do 29 e 30 de maio celebrarase no Multiusos Fontes do Sar un seminario de Pilates-Fitball, que correrá a cargo de Pilar Rey (licenciada en Ballet Clásico, Teacher Certificate Royal Academy of Dance, instructora de Matt Pilates, Studio Pilates e Pilates para embarazadas) e Fran Gómez (adestrador persoal, nutricionista deportivo, instructor de Matt Pilates, de Fitness e especialista en Pilates con plataforma).
O día 29 de maio o curso desenvolverase en horario de 14 a 21h, e o día 30 entre as 10 e as 14h. O prezo da formación é de 150 €, pero as persoas que se anoten antes do 20 de maio gozarán dun prezo especial e pagarán só 120 €. Amais, os abonados do Multiusos Fontes do Sar e do Complexo Deportivo Santa Isabel terán un desconto engadido do 10%.