O Multiusos Fontes do Sar oferta cursiños de pádel en inglés

As pistas de pádel e tenis de Sar engaden agora á súa ampla oferta clases de pádel en inglés, tanto para nenos como para adultos, sexan estes abonados ás instalacións ou non. Os cursiños, de un mes e medio de duración, empezarán a fin de semana do 16 de febreiro, e correrán a cargo do profesor Santiago Gómez, con ampla experiencia no deporte do pádel e licenciado en filoloxía inglesa pola USC. O prezo do curso completo vai dos 21,75€ aos 82,50€.
Este novo xeito de impartir as clases nace co obxectivo de que os asistentes practiquen o inglés ao mesmo tempo que aprenden a xogar ao pádel. En total ofértanse 24 prazas desta modalidade. Haberá clases de iniciación ao pádel para adultos os sábados ás 18h, para nenos de entre 4 e 7 anos os domingos ás 12h, para rapaces de 7 a 12 anos os domingos ás 11h, e para os de 12 a 16 anos os domingos ás 10h. A inscrición para abonados ao Multiusos Fontes do Sar e ao Complexo Deportivo Santa Isabel abrirase o 1 de febreiro, mentres que a de non abonados empezará o 8 de febreiro.

Pin It